સૌથી ઝડપી સમયમાં ડબલ ડેકર બસ ખેંચવાથી માંડીને એક મિનિટમાં હેલિકોપ્ટરથી લટકીને સૌથી વધુ પુલ-અપ્સ કરવા સુધી, વિશ્વમાં અનેક અનોખા વિશ્વ વિક્રમો આપણે સર્જ્યા છે. વ્યક્તિએ એવું પરાક્રમ કર્યું છે, જેના વિશે તમે દંગ રહી જશે. વેલર્જન રોમાનોવ્સ્કીએ ત્રણ કલાકથી વધુ સમય સુધી બરફથી ભરેલા બોક્સની અંદર બેસીને વિશ્વ વિક્રમ નોંધાવ્યો હતો. તે પણ કપડા વગર. હા, તમે તે બિલકુલ સાચું વાંચ્યું.
આનો એક વીડિયો પણ સામે આવ્યો છે, જે સોશિયલ મીડિયા પર ઝડપથી વાયરલ થઈ રહ્યો છે. વિડિયોમાં, વેલર્જન રોમાનોવસ્કી કપડાં પહેર્યા વિના રેકોર્ડ બનાવવા માટે બરફથી ભરેલા બોક્સની અંદર બેઠેલા જોવા મળે છે. આ રેકોર્ડ બનાવતી વખતે તેનું આખું શરીર બરફમાં ડૂબી ગયું હતું. આ વિડિયો જોયા પછી બધા ચોંકી ગયા છે.
ગિનીસ વર્લ્ડ રેકોર્ડ્સે તાજેતરમાં તેના ઓફિશિયલ ઈન્સ્ટાગ્રામ પેજ પરથી 3 મિનિટનો વીડિયો શેર કર્યો છે. જેમાં બતાવવામાં આવ્યું છે કે કેવી રીતે વેલર્જન રોમાનોસ્કી બરફથી ભરેલા બોક્સમાં બેસીને વર્લ્ડ રેકોર્ડ બનાવે છે.
તમને જણાવી દઈએ કે જ્યારે આ રેકોર્ડ બન્યો ત્યારે બહારનું તાપમાન 8 ડિગ્રી હતું અને ઠંડીનું મોજું ચાલી રહ્યું હતું. વેલર્જન રોમાનોવસ્કીએ આ રેકોર્ડ બનાવવા માટે આઇસ બોક્સમાં બેસીને ત્રણ કલાક અને 28 સેકન્ડનો સમય પસાર કર્યો હતો. તો ચાલો જોઈએ આ વિડિયો.
View this post on Instagram
પોલેન્ડના માણસે બરફમાં બેસીને બનાવ્યો વર્લ્ડ રેકોર્ડઃ અગાઉ આ રેકોર્ડ 2 કલાક 35 મિનિટ અને 33 સેકન્ડનો હતો જે ફ્રાન્સના રોમેન વેન્ડેન્ડોર્પના નામે નોંધાયેલો હતો. વેન્ડેન્ડોર્પે આ રેકોર્ડ 2020માં બનાવ્યો હતો. આ પહેલા ચીનના જિન સોંગહોએ 1 કલાક 53 મિનિટ અને 10 સેકન્ડ સુધી બેસીને આ રેકોર્ડ બનાવ્યો હતો.
વેલર્જન રોમાનોવસ્કીએ કહ્યું કે તેણે આ રેકોર્ડ બનાવવા માટે ઘણી મહેનત કરી. તેણે ઠંડીની લહેરમાં બરફમાં બેસીને પોતાની જાતને તાલીમ આપી છે. આ સિવાય તે ખૂબ જ ઠંડા પાણીથી સ્નાન કરતો હતો. તેના કહેવા પ્રમાણે, ટ્રેનિંગ દરમિયાન તે 90 મિનિટ બરફમાં બેસીને વિતાવતો હતો.
ગિનિસ વર્લ્ડ રેકોર્ડ્સે એક દિવસ પહેલા આ વીડિયો ઈન્સ્ટાગ્રામ પર શેર કર્યો હતો. જેના પર 1 લાખ 14 હજારથી વધુ વ્યુઝ છે. આ સંખ્યા સતત વધી રહી છે. તે જ સમયે, વિડિયો જોયા પછી, ઘણા લોકોએ તેના પર પોતાનો પ્રતિસાદ આપ્યો છે.
