દિગ્ગજ અભિનેતા ધર્મેન્દ્ર અને ખૂબ સુંદર તેમજ સદાબહાર એક્ટ્રેસ હેમા માલિની ની જોડી બોલિવૂડમાં ખૂબ જ ચર્ચિત અને પ્રસિદ્ધ જોડી માની એક માનવામાં આવે છે. હેમા માલીની ધર્મેન્દ્ર ની બીજી પત્ની છે. બોલિવૂડમાં એન્ટ્રી કર્યા બાદ બંને એક બીજાને પસંદ કરવા લાગ્યા હતા. એવામાં પરિણીત ધર્મેન્દ્ર અને કુવારી હેમા એ લગ્ન કરવાનો નિર્ણય કરી લીધો હતો..

તમને જણાવી દઈએ કે ધર્મેન્દ્રએ પહેલા લગ્ન અંદાજે ૧૯ વર્ષની ઉંમરમાં પ્રકાશ કોર સાથે કર્યા હતા. પ્રકાશ કોર અને ધર્મેન્દ્ર ના ચાર બાળકો અજીતા, વિજેતા, બોબી અને સની દેઓલ છે. જ્યારે ધર્મેન્દ્ર તેમજ હેમાની બે દીકરીઓ ઈશા અને આહાના છે. ધર્મેન્દ્ર સાથે લગ્ન બાદ હેમા એ દીકરી ઈશા ને જન્મ આપ્યો હતો. વર્ષ 1980 માં ધર્મેન્દ્ર અને હેમા એ સાત ફેરા લીધા હતા. વર્ષ ૧૯૮૧ માં બંને દીકરી ઈશા ના માતા પિતા બન્યા હતા.

ધર્મેન્દ્ર અને હેમા માલિનીએ આજે ઘણી ફિલ્મોમાં કામ કર્યું છે અને તેમની જોડી રીલ લાઈફમાં પણ જામી છે. એવામાં બંને એકબીજા પર દિલ હારી બેઠા હતા. પરંતુ આ સંબંધ થી હેમા માલીની ના પિતા ખુશ નહોતા. તે નહોતા ઇચ્છતા કે હે માં ધર્મેન્દ્ર ની પાસે જાય. હેમા માલિની નું ધર્મેન્દ્ર ને મળવું તેમને પસંદ નહોતું.

હેમા માલિની ઇન્ડિયન આઇડલ 12 ના એપિસોડમાં મહેમાન ના રૂપમાં પહોંચી હતી. આ દરમિયાન તેમણે પોતાના નજીકના આ જીવન સાથે જોડાયેલી કેટલીક વાતો શેર કરી હતી. આ દરમિયાન હેમાએ એ પણ જણાવ્યું હતું કે ધર્મેન્દ્ર પહેલાથી પરિણીત હતા. તેના કારણે તેમના પિતા પરેશાન હતા અને તે નહોતા ઇચ્છતા કે તે ધર્મેન્દ્ર સાથે લગ્ન કરે.

જણાવવામાં આવે છે કે ઘણીવાર ફિલ્મના સેટ પર પણ હેમા ના પિતા પહોંચી જતા હતા. અને તે હેમા પર નજર બનાવી રાખતા હતા. તેમના પ્રયત્નો રહેતા હતા કે કોઈપણ રીતે હેમાને ધર્મેન્દ્રને મળવા દેવામાં ન આવે. બંને કલાકારો એકબીજા સાથે સમય વિતાવી ન શકે. એટલું જ નહીં હેમા ના પિતા એ હેમા ની માં ને પણ શૂટિંગ સેટ પર તેમને સાથે જવા માટે કહી દીધું હતું. જેથી તે પણ પોતાની દીકરી પર નજર બનાવી રાખે. પરંતુ હેમા ની મા આ બાબતે પોતાના પતિથી થોડી કાચી હતી.

ઇન્ડિયન આઇડલ બારમાં હેમાએ આગળ જણાવ્યું હતું કે એકવાર તે પોતાના પિતાની સાથે કારમાં ક્યાંક જઈ રહી હતી અને ધર્મેન્દ્ર પણ તેમની સાથે હતા. હેમાએ જણાવ્યું કે તેમના પિતા નહોતા ઇચ્છતા કે ધર્મેન્દ્ર અને હેમા પાસે પાસે બેસે તેથી તે પોતે જ મારી બાજુમાં આવીને બેસી ગયા હતા. આગળના કિસ્સા નો મજેદાર ભાગ જણાવતા હેમા માલિનીએ કહ્યું હતું કે ધર્મેન્દ્ર પણ કંઈ ઓછા નહોતા. તે કારના બીજા દરવાજાથી આવીને મારી પાસે બેસી ગયા હતા.