બોલિવૂડ સુપરસ્ટાર હૃતિક રોશન હાલ અભિનેત્રી અને ગાયિકા સબા આઝાદને ડેટ કરી રહ્યો છે. ઘણીવાર આ અફવાવાળું કપલ એક સાથે જોવા મળે છે. સબા આઝાદ અને હૃતિક રોશન વચ્ચે ઉંમરમાં પણ ઘણું મોટું અંતર છે. આમ છતાં આ બંને સ્ટાર્સ પોતાના સંબંધોને લઈને ગંભીર જણાય છે.
હાલમાં જ એક્ટર રિતિક રોશન અને સબા આઝાદનો એક વીડિયો સોશિયલ મીડિયા પર સતત વાયરલ થઇ રહ્યો છે. આ વીડિયોમાં હૃતિક રોશન પોતાની ગર્લફ્રેન્ડ સબા આઝાદ સાથે ડિનર ડેટ પર જતો જોવા મળી રહ્યો છે. રસપ્રદ વાત એ છે કે સબા આઝાદના એક્સ બોયફ્રેન્ડ ઇમાદ શાહ પણ આ દરમિયાન સાથે જોવા મળ્યા હતા.
ઇમાદ શાહ અને સબા આઝાદને પૂર્વ યુગલ માનવામાં આવે છે.મીડિયા રિપોર્ટ્સ અનુસાર, રિતિક રોશનને ડેટ કરતા પહેલા સબા આઝાદ ઈમાદ શાહ સાથે રિલેશનશિપમાં હતા.જોકે, બાદમાં બંનેનું બ્રેકઅપ થઈ ગયું હતું.બ્રેકઅપ પછી પણ બંને વચ્ચે ઔપચારિક સંબંધ છે.
View this post on Instagram
બંને હજુ પણ એકબીજા સાથે સૌહાર્દપૂર્ણ સંબંધો જાળવી રાખે છે.આ જ કારણ છે કે જેમ જ સબા આઝાદ અને રિતિક રોશન ડિનર ડેટ દરમિયાન ઈમાદ શાહને મળ્યા, બંને તેને ગળે લગાવતા જોવા મળ્યા.હવે આ વીડિયો સોશિયલ મીડિયામાં ચર્ચાનો વિષય બન્યો છે.
અભિનેતા અને ગાયક ઇમાદ શાહ પીઢ ફિલ્મ અભિનેતા નસીરુદ્દીન શાહના પુત્ર છે. સબા આઝાદ અને ઇમાદ શાહ ઇલેક્ટ્રો-ફંક બેન્ડ મેડબોય અને મિંક સાથે સંકળાયેલા હતા. આ દિવસોમાં સબા આઝાદ રિતિક રોશનને ડેટ કરી રહી છે. જ્યારે ઈમાદ શાહ સાથે તેની હજુ પણ સારી મિત્રતા છે. આ સાથે જ સુઝાન ખાનને તલાક આપીને ઋતિક રોશન પણ પોતાની પર્સનલ લાઈફમાં આગળ વધી ગયો છે.
