પ્રખ્યાત અભિનેત્રી અને હિન્દી સિનેમાની ભૂતપૂર્વ મિસ યુનિવર્સ લારા દત્તા 43 વર્ષની થઈ ગઈ છે. લારા દત્તાનો જન્મ 1978 માં ઉત્તર પ્રદેશના ગાઝિયાબાદમાં થયો હતો. તેણે બોલિવૂડમાં પગ મૂકતાં પહેલાં જ મિસ યુનિવર્સ બનીને વિશ્વવ્યાપી ખ્યાતિ મેળવી હતી. ચાલો આજે તમને તેમની કેટલીક વિશેષ વાતો જણાવીએ…

2000 માં બની હતી મિસ યુનિવર્સ – લારા દત્તા હિન્દી સિનેમામાં પગ મૂકતાં પહેલાં જ મિસ યુનિવર્સ બની ગઈ હતી. વર્ષ 2000 માં, મિસ યુનિવર્સનું બિરુદ તેના માથા પર સજ્જ હતું. આ સાથે જ તેના બોલિવૂડ તરફ જવાના માર્ગો સાફ થઈ ગયા.

2003 માં તેની બોલિવૂડમાં એન્ટ્રી થઈ – 2000 માં મિસ યુનિવર્સનો ખિતાબ જીત્યા પછી લારા દત્તાએ વર્ષ 2003 માં હિન્દી સિનેમામાં પ્રવેશ કર્યો હતો. લારાએ ફિલ્મ ‘અંદાઝ’ થી બોલિવૂડમાં પ્રવેશ કર્યો હતો. ખાસ વાત એ છે કે પહેલી જ ફિલ્મ માટે લારાને ફિલ્મફેરનો બેસ્ટ ફીમેલ ડેબ્યૂ એવોર્ડ મળ્યો હતો. ફિલ્મ ‘અંદાઝ’ માં અક્ષય કુમાર, અનિલ કપૂર અને પ્રિયંકા ચોપરા જેવા સ્ટાર્સે પણ મુખ્ય ભૂમિકા ભજવી હતી.

સફળ મોડેલ, મહાન અભિનેત્રી – પંજાબી પિતા અને એંગ્લો ભારતીય માતાની પુત્રી લારા દત્તાએ એક મોડેલ તરીકે પણ કામ કર્યું છે. માનવામાં આવે છે કે તેની મોડલિંગ કારકિર્દી બોલીવુડ કરતા વધારે સફળ રહી છે. ફિલ્મ ‘અંદાઝ’ થી હિન્દી સિનેમામાં પ્રવેશ કરનારી લારાએ ‘પાર્ટનર’, ‘મસ્તી’, ‘નો એન્ટ્રી’, ‘ભાગમ ભાગ’, ‘હાઉસફુલ’, ‘ચલો દિલ્હી’ જેવી ઘણી હિટ ફિલ્મોમાં કામ કર્યું છે.

કેલે ડોર્જીથી લઈને દિનો મોરિયા સાથે જોડાયું હતું નામ – લારા દત્તા તેની લવ લાઈફને લઈને પણ ચર્ચામાં રહી છે. તમને જણાવી દઈએ કે તેનું નામ કેલે ડોર્જી અને એક સમયે પ્રખ્યાત અભિનેતા દિનો મોરિયા સાથે સંકળાયેલું છે. પણ દરેક જગ્યાએ તેને નિરાશા જ મળી.

પ્રખ્યાત ટેનિસ ખેલાડી મહેશ ભૂપતિ સાથે લગ્ન કર્યા – અંતે, લારાનું હૃદય ભારતના પ્રખ્યાત ટેનિસ ખેલાડી મહેશ ભૂપતિ પર આવ્યું. લારાને મળતી વખતે મહેશ ભૂપતિ પરિણીત હતાં. જોકે બંને એક બીજાને પસંદ કરવા લાગ્યા. આવી સ્થિતિમાં મહેશે તેની પત્નીને છૂટાછેડા આપી દીધા હતા. લારાને કારણે મહેશે તેની પહેલી પત્ની સાથે સાત વર્ષ જુનાં લગ્ન સમાપ્ત કર્યા. આ પછી, લારા દત્તા અને મહેશ ભૂપતિએ વર્ષ 2011 માં લગ્ન કર્યા.

તમને જણાવી દઇએ કે લારા દત્તા અને મહેશ ભૂપતિ આજે એક પુત્રીના માતા-પિતા છે. લારાએ 2012 માં પુત્રી સાયરાને જન્મ આપ્યો હતો. તમને જણાવી દઇએ કે લારા દત્તા સોશિયલ મીડિયા પર ખૂબ જ એક્ટિવ છે. તે હંમેશાં પતિ મહેશ ભૂપતિ અને પુત્રી સાયરા સાથે સોશિયલ મીડિયા પર તસવીરો પોસ્ટ કરે છે. ઇન્સ્ટાગ્રામ પર લગભગ 11 લાખ લોકો લારા દત્તાને ફોલો કરે છે.