બોલિવૂડ ફિલ્મ અભિનેત્રી મલાઈકા અરોરા આ દિવસોમાં પોતાના નવા શોને લઈને ચર્ચામાં છે.આ શો ટૂંક સમયમાં OTT પર સ્ટ્રીમ થવા જઈ રહ્યો છે. આ મુવિંગ ઇન વિથ મલાઈકા નામનો ચેટ શો છે.અભિનેત્રી મલાઈકા અરોરાએ હાલમાં જ આ ચેટ શોનો એક પ્રોમો વીડિયો ચાહકો સાથે શેર કર્યો છે.જેમાં અભિનેત્રી તેના ભૂતકાળ, પૂર્વ પતિ અરબાઝ ખાન અને ટ્રોલ વિશે ઘણી વાતો કરતી જોવા મળે છે.અભિનેત્રી મલાઈકા અરોરા પણ પોતાના ભૂતકાળને યાદ કરીને ભાવુક થઈ જાય છે.આ ચેટ શોમાં મલાઈકા અરોરાની સાથે જાણીતા કોરિયોગ્રાફર અને નિર્દેશક ફરાહ ખાન પણ આવશે.

આ શોનો પ્રોમો વીડિયો જોઈને સ્પષ્ટ થાય છે કે ફરાહ ખાન એક્ટ્રેસના આ ચેટ શોની પહેલી ગેસ્ટ બનવા જઈ રહી છે.આ પ્રોમો વીડિયોમાં અભિનેત્રી તેના ભૂતકાળ વિશે વાત કરે છે કે તેણે તેના જીવનમાં તમામ યોગ્ય નિર્ણયો લીધા છે.આ બોલતી વખતે અભિનેત્રીની આંખોમાંથી આંસુ આવી જાય છે.તેના પર તેની મિત્ર ફરાહ ખાન તેને સંભાળતી જોવા મળી રહી છે.

ઉપરાંત, અભિનેત્રી મલાઈકા અરોરા તેના ભૂતપૂર્વ પતિ અરબાઝ ખાનને યાદ કરે છે અને લોકોને સલાહ આપે છે કે તે આગળ વધી ગઈ છે.તેમના એક્સેસ પણ આગળ વધી ગયા છે, હવે લોકોએ પણ આગળ વધવું જોઈએ.અભિનેત્રી મલાઈકા અરોરાનો આ વીડિયો સોશિયલ મીડિયા પર લોકોમાં ચર્ચાનો વિષય બન્યો છે.