પોતાના નિવેદનો માટે જાણીતા મહારાષ્ટ્ર કોંગ્રેસના પ્રદેશ અધ્યક્ષ અને ધારાસભ્ય નાનાભાઈ પટોલેએ વડાપ્રધાન નરેન્દ્ર મોદી વિરુદ્ધ વિવાદાસ્પદ નિવેદન કરીને હંગામો મચાવ્યો છે. કોંગ્રેસ નેતાએ કહ્યું છે કે, ‘હું મોદીને મારી શકું છું, માર મારી શકું છું અને અપશબ્દો બોલી શકું છું.’
જોકે, વિવાદ વધતાં હવે પટોલેએ સ્પષ્ટતા કરવાનું શરૂ કરી દીધું છે. નાના પટોલેએ પોતાના ખુલાસામાં કહ્યું કે, હું મોદી નામના સ્થાનિક ગુંડાની વાત કરી રહ્યો હતો. મારા મતવિસ્તારના ઘણા લોકોએ તેમના વિશે ફરિયાદ કરી હતી.
આ દરમિયાન કેટલાક લોકોએ તોફાની રીતે વાતચીત રેકોર્ડ કરી સોશિયલ મીડિયા પર મૂકી દીધી હતી. કોંગ્રેસના પ્રદેશ અધ્યક્ષે પોતાના સમર્થકો સાથે વાત કરતા કહ્યું કે, મને જણાવવા દો કે હું શા માટે લડી શકું? હું 30 વર્ષથી રાજકારણમાં છું.
જ્યારે આ નેતાઓ માત્ર 5 વર્ષની રાજનીતિમાં એટલા પૈસા કમાય છે કે તેઓ એક-બે પેઢીને ખવડાવી શકે. તેમની પાસે શાળાઓ, કોલેજો અને સંસ્થાઓ છે જે તેમની પેઢીઓને બચાવે છે. મારી કારકિર્દીમાં મેં ક્યારેય શાળા, કોલેજ કે કોઈ કોન્ટ્રાક્ટ લીધો નથી.
જે પણ મારી પાસે આવ્યા મેં મદદ કરી. એટલા માટે હું મોદીને મારી શકું છું, માર મારી શકું છું અને અપશબ્દો બોલી શકું છું. મોદી ચૂંટણી વખતે મારી વિરુદ્ધ પ્રચાર કરવા આવ્યા હતા. આ જ કારણ છે કે નાના વિરૂદ્ધ કાર્યવાહી કરવા તમામ મોટા લોકો પ્રયાસ કરી રહ્યા છે….
