મુંબઈના છત્રપતિ શિવાજી મહારાજ ઇન્ટરનેશનલ એરપોર્ટ પાસે શિવસેનાના કાર્યકરોએ આજે હંગામો મચાવ્યો હતો. શિવસેનાના કાર્યકરોએ મુંબઈ એરપોર્ટ પર અદાણીનું બોર્ડ તોડી નાખ્યું હતું. એરપોર્ટનું સંચાલન અદાણી જૂથના હાથમાં ગયા બાદ એરપોર્ટ પરિસરમાં ‘અદાણી એરપોર્ટ’ નામનું બોર્ડ લગાવવામાં આવ્યું હતું.
અદાણીએ VVIP ગેટ પર આ બોર્ડ લગાવ્યું હતું. શિવસેના આનાથી ખૂબ જ ગુસ્સે થયા હતા.તેમણે નારાજગી વ્યક્ત કરતા શિવસેનાએ અદાણીના બોર્ડને થોડીક સેકન્ડમાં ગાયબ કરી દીધા હતા. અદાણી કંપનીને છત્રપતિ શિવાજી મહારાજનું નામ યાદ નથી એ પ્રશ્ન તોડફોડ કરતી વખતે શિવસેનાના લોકો બૂમ પાડી રહ્યા હતા. તેમને ખબર નથી કે આ એરપોર્ટનું નામ છત્રપતિ શિવાજી મહારાજના નામ પર છે ?
શિવસેનાએ વીઆઇપી ગેટ નંબર 8 અને વિલે પાર્લે હાઇવે વચ્ચે આવેલા છત્રપતિ શિવાજી મહારાજના સ્મારક સામે ‘અદાણી એરપોર્ટ’ નામના બોર્ડને લાકડીઓથી તોડી નાખ્યો હતો. મુંબઈના આંતરરાષ્ટ્રીય એરપોર્ટનું નામ છત્રપતિ શિવાજી મહારાજના નામ પરથી રાખવામાં આવ્યું છે.
Reportedly Shiv Sainik Cadres are Protesting and Damaging Board of Adani Group at VVIP Gate at Mumbai Airport pic.twitter.com/se2WyBOFQH
— Megh Updates 🚨 (@MeghUpdates) August 2, 2021
તેના બદલે, શિવસેનાએ સૂચવ્યું છે કે નામ રાખતી વખતે એક લાઇન ઉમેરવામાં આવે, ‘અદાણી એરપોર્ટ દ્વારા સંચાલિત.’ શિવસેનાનું કહેવું છે કે જો આ ન કરવામાં આવે તો તેઓ જ્યાં અદાણી એરપોર્ટ નામનું બોર્ડ દેખાશે ત્યાં તોડફોડ કરશે.
અદાણી ગ્રુપે આ ઘટના પર નિવેદન જારી કર્યું છે. નિવેદનમાં લખવામાં આવ્યું છે કે મુંબઈ આંતરરાષ્ટ્રીય એરપોર્ટમાં અદાણી એરપોર્ટના બ્રાન્ડિંગને લગતી ઘટનાઓને જોતા, અમે ખાતરી આપવા માગીએ છીએ કે અદાણી એરપોર્ટ્સ હોલ્ડિંગ લિમિટેડ (AAHL) એ છત્રપતિ શિવાજી મહારાજ ઇન્ટરનેશનલએરપોર્ટનું સંચાલન કરે છે. તેમાં કોઈ ફેરફાર થયો નથી.
અદાણી ગ્રુપે એરલાઇન ક્ષેત્રે મોટું રોકાણ કર્યું છે. દેશના ઘણા એરપોર્ટનું સંચાલન અદાણી ગ્રુપના હાથમાં છે. જુલાઈ મહિનામાં મુંબઈ આંતરરાષ્ટ્રીય એરપોર્ટના સંચાલનની જવાબદારી પણ અદાણી ગ્રુપના હાથમાં આવી ગઈ છે. ગ્રુપના ચીફ ગૌતમ અદાણીએ ટ્વીટ કરીને આ માહિતી આપી હતી.
