સુરતના સચિન જીઆઇડીસી વિસ્તારમાં અડધી રાત્રે ત્રણ બાળકો ડૂબી હોવાના સમાચાર મળતા જ તંત્ર દોડતું થઇ ગયું છે. મોડી રાત સુધી બાળકોને શોધવાની કામગીરી ચાલી હતી પરંતુ કોઈ પરિણામ ન મળ્યું હતું ત્યારે સવારે દિવસ થતાની સાથે જ બોટ દ્વારા ફરીથી તેમને શોધવાની કામગીરી શરૂ કરી હતી.
તળાવને કિનારે બાળકોના કપડાં હતાં પરંતુ બાળકો દેખાયા ન હતા તેથી તેઓ ડુબી ગયા હોવાની આશંકા થઈ હતી . શોધખોળને અંતે ૧૦ કલાક બાદ બે બાળકોના મૃતદેહ મળી આવ્યા હતા.
ડૂબી ગયેલા ત્રણેય બાળકોને ઉંમર અંદાજે ૧૨ , ૧૩ , ૧૪ વર્ષની હતી. ઘટનાની જાણ થતાં જ આસપાસના વિસ્તારના બધા લોકો મદદે આવી પહોંચ્યા હતા. બાળકોને મૃતદેહ જોતા જ પરિવારમાં માથે જાણે આભ ફાટ્યું હતું.
તો આ બાળકો સાથે કોઈ મોટી વ્યક્તિ હતી કે તેઓ એકલા પહોંચી ગયા હતા તે પણ તે જાણવાનું રહ્યું . સવારે ફાયર બ્રિગેડની ટીમે બોટ સાથે આવી અને તળાવમાં દરેક જગ્યાએ ડૂબકીઓ મારી બાળકોની તપાસ કરતી હતી. તો મૃતક બાળકો સાઈ નગર સુપર પટ્ટી વિસ્તારનાં હોવાનું જાણવા મળી રહ્યું છે.
