તારક મહેતા કા ઉલ્ટા ચશ્મા એક એવો શો છે જે લાંબા સમયથી લોકોનું મનોરંજન કરી રહ્યો છે. આ શોને પસંદ કરનારા લોકોની લિસ્ટ ઘણી લાંબી છે અને તેની પાછળનું કારણ દરેક પાત્રની શાનદાર એક્ટિંગ છે.

પરંતુ હાલમાં જ સમાચાર આવ્યા હતા કે આ શોનો એક જૂનો સભ્ય ટૂંક સમયમાં બિગ બોસમાં એન્ટ્રી કરવા જઈ રહ્યો છે અને હવે આ સમાચારનું સત્ય સામે આવ્યું છે. શો ‘તારક મહેતા કા ઉલ્ટા ચશ્મા’માં ટપ્પુનું પાત્ર ભજવનાર ભવ્ય ગાંધી દર્શકોમાં ખૂબ જ લોકપ્રિય છે.

લોકો તેમના સોશિયલ મીડિયા પેજ પર તેમને લગતા અપડેટ્સની રાહ જુએ છે. તારક મહેતા છોડ્યા પછી ભવ્ય ગુજરાતી ફિલ્મો તરફ ગયો હતો. હવે સમાચાર આવ્યા છે કે તે જલ્દી જ બિગ બોસ 15માં વાઈલ્ડ કાર્ડ એન્ટ્રી લેવા જઈ રહ્યો છે.

ભવ્ય ગાંધીને પૂછવામાં આવ્યું કે શું તેઓ બિગ બોસ જેવા રિયાલિટી શોમાં ભાગ લેવા માગે છે, તો તેમણે આનો સ્પષ્ટ જવાબ આપ્યો. ભવ્યએ કહ્યું કે, ‘એવા અહેવાલો આવ્યા હતા કે હું બિગ બોસના ઘરમાં જવાનો છું, બિગ બોસ પણ ખૂબ લોકપ્રિય છે પરંતુ મને તેમાં રસ નથી.

હું એડવેન્ચર આધારિત રિયાલિટી શો પસંદ કરીશ. ટપ્પુના પાત્રથી અલગ પોતાના વિશે વાત કરતાં ભવ્ય ગાંધીએ કહ્યું, ‘મને દર્શકો તરફથી એટલો પ્રેમ મળ્યો છે, જેમાં ઘણી મહિલાઓએ ‘યે તો મેરા છોટા સા કૃષ્ણ હૈ’ કહ્યું છે.

ટપ્પુના પાત્રે મને ઘણું બધુ આપ્યું છે પરંતુ હું એ ઈમેજમાંથી બહાર આવવા માંગુ છું. હું વિવિધ પ્રકારની ભૂમિકાઓ કરવા આતુર છું. હું એક અભિનેતા તરીકે મારી સર્જનાત્મકતાને આગળ વધારવા માંગુ છું.