ટીવી શો ‘તારક મહેતા કા ઉલ્ટા ચશ્મા’ હંમેશા TRPની રેસમાં આગળ રહ્યો છે. છેલ્લા ઘણા સમયથી દર્શકોનું મનોરંજન કરી રહેલી આ શોની સ્ટાર કાસ્ટ ઘર-ઘરમાં જાણીતી બની ગઈ છે. આ શોમાં બબીતા અય્યરનું પાત્ર ભજવતી અભિનેત્રી મુનમુન દત્તાને આ શો દ્વારા ખૂબ જ ખ્યાતિ મળી છે.
એકલા ઈન્સ્ટાગ્રામ પર મુનમુનને 6 લાખથી વધુ લોકો ફોલો કરે છે. અભિનેત્રી પોતાની કેટલીક તસવીરો કે વીડિયો ચાહકો માટે શેર કરતી રહે છે. તેણે હાલમાં જ તેનો એક ડાન્સ વીડિયો શેર કર્યો છે.
વીડિયોમાં મુનમુન દત્તા પિટબુલના ‘હે બેબી’ ગીત પર ડાન્સ કરતી જોવા મળે છે. રંગબેરંગી ટી-શર્ટ અને તેની સાથે મેચિંગ શોર્ટ્સ પહેરીને, મનુમુન દત્તાએ આ ગીત પર અદ્ભુત ડાન્સ કર્યો છે અને વીડિયોને થોડી જ વારમાં લાખો લાઈક્સ મળી છે.
View this post on Instagram
વિડીયોમાં તારક મહેતાની બબીતાજીએ એવો ડાન્સ કર્યો છે કે જો તેણે શોમાં આટલો જબરદસ્ત ડાન્સ કર્યો હોત તો કદાચ જેઠાલાલ દંગ રહી ગયા હોત. કોમેન્ટ બોક્સમાં લોકો મુનમુન દત્તાના ડાન્સના વખાણ કરી રહ્યા છે.
એક યુઝરે લખ્યું- બબીતા જી તમારા જેવું કોઈ નથી. અન્ય એક સોશિયલ મીડિયા યુઝરે વખાણ કરતા લખ્યું- બબીતા જી તમારી મોટી ફેન છું. તમે અદ્ભુત છો તમને જણાવી દઈએ કે તારક મહેતા કા ઉલ્ટા ચશ્મા સામાન્ય રીતે ટીઆરપીની રેસમાં ટોપ 10માં રહે છે.
જ્યાં સુધી શોની સ્ટાર કાસ્ટની વાત છે, તેમાંથી મોટા ભાગના લોકો તેની શરૂઆતથી જ શો સાથે જોડાયેલા છે. આ જ કારણ છે કે આ કલાકારોને આ શોના પાત્રોના નામથી ઓળખવામાં આવે છે. કૉમેન્ટમાં, મોટાભાગના લોકો મુનમુન દત્તાને તેના નામથી બોલાવવાને બદલે બબીતા જી તરીકે બોલાવે છે.
