રશિયા સાથેના યુદ્ધમાં યુક્રેન માટે ખરાબ સમાચાર આવ્યા છે. હવે બેલારુસ પણ યુક્રેન સામે યુદ્ધમાં ઉતર્યું છે. એક ફાઇટર પ્લેન ખોઇનિકીની ઉપરથી ઉડતું જોવા મળ્યું હતું, જે ખૂબ જ ઓછી ઊંચાઈએ સરહદ તરફ જઈ રહ્યું હતું.

આ સિવાય 10.30 વાગ્યે દક્ષિણ તરફ જતું હેલિકોપ્ટર જોવા મળ્યું હતું. અહેવાલમાં એ પણ ખુલાસો થયો કે Ka-52 “એલીગેટર” હેલિકોપ્ટર ગોમેલથી યુક્રેન સુધી ઉડાન ભરી હતી.

રશિયન દળોએ સોમવારે યુક્રેનના બીજા સૌથી મોટા શહેર ખાર્કિવ પર બોમ્બમારો કર્યો હતો. આ સાથે, રશિયન સેના યુક્રેનની રાજધાની કિવની નજીક પહોંચી ગઈ છે અને રશિયન ટેન્ક અને અન્ય લશ્કરી વાહનો લગભગ 40 માઈલના કાફલામાં મુસાફરી કરી રહ્યા છે.

યુક્રેનના રાષ્ટ્રપતિ વોલોડીમિર ઝેલેન્સકીએ કહ્યું કે બોમ્બ ધડાકામાં વધારો ફક્ત તેમના પર દબાણ લાવવા માટે કરવામાં આવ્યો હતો. રશિયા 6 દિવસના યુદ્ધથી અલગ પડી રહ્યું છે, જ્યારે તેને યુક્રેનના અણધાર્યા પ્રતિકારનો પણ સામનો કરવો પડ્યો છે. સ્થાનિક સ્તરે, રશિયાને આર્થિક રીતે પણ નુકસાન થયું છે.

સોમવારે બેલારુસ બોર્ડર પર રશિયા અને યુક્રેન વચ્ચે વાતચીત ચાલી રહી હતી અને 30 લાખની વસ્તી ધરાવતા યુક્રેનની રાજધાની કિવ તરફ રશિયન સૈનિકો આગળ વધી રહ્યા હતા ત્યારે કિવમાં વિસ્ફોટના અવાજ સંભળાયા હતા.