ટીવીના લોકપ્રિય શો ‘તારક મહેતા કા ઉલ્ટા ચશ્મા’માં દયાબેનના પાત્ર માટે પ્રખ્યાત બનેલી દિશા વાકાણી હાલમાં શોમાંથી ગાયબ છે. જોકે તેના પરત આવવાના સમાચાર સોશિયલ મીડિયા પર આવતા રહે છે, પરંતુ દિશા હજી સુધી શોમાં પરત આવી નથી.

આ દરમિયાન અભિનેત્રીનો જૂનો ડાન્સ વીડિયો વાયરલ થઈ રહ્યો છે, જેમાં તે ડાન્સ કરતી જોવા મળી રહી છે. દિશા ભલે તારક મહેતા કા ઉલ્ટા ચશ્માથી દૂર હોય પરંતુ ચાહકો તેને કોઈ ને કોઈ રીતે યાદ કરતા રહે છે.

હવે અભિનેત્રીનો વીડિયો ઇન્ટરનેટ પર વાયરલ થઈ રહ્યો છે, જેમાં તે શોર્ટ સ્કર્ટ અને ક્રોપ ટોપમાં ગીત પર ડાન્સ કરતી જોવા મળી રહી છે. આ એક જૂનો વીડિયો છે જે વર્ષ 2016 માં યુ ટ્યુબ પર અપલોડ કરવામાં આવ્યો હતો.

વાયરલ થયેલા આ વીડિયોમાં દિશા વાકાણી ચમકદાર પોશાકમાં અદભૂત ડાન્સ મૂવ કરતી જોવા મળી રહી છે. તેનો લુક ખૂબ જ ગ્લેમરસ લાગે છે. આ પહેલા પણ અભિનેત્રીનો બીજો ડાન્સ વીડિયો ઇન્ટરનેટ પર વાયરલ થયો હતો, જેમાં તે ‘દરિયા કિનેરે એક બંગલા …’ પર ડાન્સ કરતી જોવા મળી હતી.

દિશા તારક મહેતામાં દેખાતા પહેલા ઘણી ફિલ્મોમાં જોવા મળી છે. દિશાએ ‘ફૂલ ઓર આગ’, ‘દેવદાસ’, ‘મંગલ પાંડે: ધ રાઇઝિંગ’ અને ‘જોધા અકબર’માં કામ કર્યું છે. તમને જણાવી દઈએ કે 1997 માં આવેલી ફિલ્મ ‘કામસીન: ધ અનટચડ’માં અભિનેત્રીએ ઘણા જબરદસ્ત સીન આપ્યા હતા.