બોલિવૂડ ઇન્ડસ્ટ્રીના ‘હીરો નંબર 1’ ગોવિંદા ફરી એકવાર પોતાના અભિનયથી લોકોનું દિલ જીતતા જોવા મળ્યા છે. 58 વર્ષની ઉંમરમાં પણ ગોવિંદા પોતાની એનર્જી અને મૂવ્સથી લોકોને ઘાયલ કરતા જોવા મળે છે. જો કે આ વખતે ગોવિંદાએ પહેલીવાર દીકરા યશવર્ધન આહુજા સાથે સ્ટેજ પર સ્પેસ શેર કરી છે. પિતા-પુત્રનો આ ડાન્સ વીડિયો ઇન્ટરનેટની દુનિયામાં ધૂમ મચાવી રહ્યો છે.
તમને જણાવી દઈએ કે ગોવિંદા પોતાની પત્ની સુનીતા આહુજા સાથે ‘ઈન્ડિયન આઈડલ 13’ના સેટ પર પહોંચ્યા હતા, આ દરમિયાન તેમણે ખૂબ મસ્તી પણ કરી હતી. આ દરમિયાન ગોવિંદાએ પહેલીવાર પુત્ર યશવર્ધન સાથે સ્ટેજ શેર કર્યું હતું અને પિતા-પુત્રના ડાન્સ મૂવે બધાને દિવાના બનાવી દીધા હતા. સોની ટીવીએ ટ્વિટર પર રિલીઝ કરેલા વીડિયોમાં ગોવિંદા અને યશવર્ધન ફિલ્મ ‘કુલી નંબર 1’ના ગીત ‘ગોરિયા ચુરા ના મેરા જિયા’ પર ડાન્સ કરતા જોવા મળી રહ્યા છે.
Indian Idol 13 ke manch par pehli baar, aa rahe hai Yash. Aur toh aur, Govinda ke saath dance kar ke kiya ek special father-son moment create!
Dekhna na bhuleyega Indian Idol 13 ke #HeroesNo1Special mein, Shanivaar-Ravivaar raat 8 baje, sirf #SonyEntertainmentTelevision par! pic.twitter.com/pzvl0Z6qly— sonytv (@SonyTV) November 18, 2022
ગોવિંદા અને યશવર્ધનનો આ વીડિયો સોશિયલ મીડિયા પર વાયરલ થયો છે, અને લોકો તેના પર પોતાની પ્રતિક્રિયા આપી રહ્યા છે. એક યુઝરે જવાબ આપતા લખ્યું કે, ‘આ ખતરનાક ડેશિંગ છે, બિલકુલ હીરો છે. એ જ રીતે બાકીના ચાહકો પણ યશવર્ધનના લૂકના વખાણ કરતા જોવા મળ્યા છે. તમને જણાવી દઈએ કે ધર્મેન્દ્ર ‘ઈન્ડિયન આઈડલ 13’ના સેટ પર પણ હાજર હતા, જે વીડિયોમાં પિતા-પુત્રને ડાન્સ કરતા જોયા બાદ સીટ પર ડાન્સ કરતા જોવા મળી રહ્યા છે.
ગોવિંદા અને સુનીતાના પુત્ર યશવર્ધન આહુજાની વાત કરીએ તો તેમણે લંડનની મેટ ફિલ્મ સ્કૂલમાંથી એક્ટિંગનો કોર્સ કર્યો છે. પોતાના કામની વાત કરીએ તો યશવર્ધન આહુજાએ સાજિદ નડિયાદવાલા સાથે સહાયક દિગ્દર્શક તરીકે કામ કર્યું હતું. યશવર્ધને સાજિદને ‘કિક 2’, ‘તડપ’ અને ઢિશૂમ જેવી ફિલ્મોમાં આસિસ્ટ કર્યો છે.
