ભારતીય અબજોપતિ અને શેર બજારના રાજા રાકેશ ઝુનઝુનવાલા હવે એરલાઇન બિઝનેસમાં પ્રવેશવાની તૈયારી કરી રહ્યા છે. ઝુનઝુનવાલા ચાર વર્ષની અંદર નવી એરલાઇન માટે 70 વિમાન ખરીદવાની યોજના બનાવી રહ્યા છે.
બ્લૂમબર્ગ સાથે વાત કરતા રાકેશ ઝુનઝુનવાલાએ કહ્યું કે તેઓ 35 મિલિયન ડોલરનું રોકાણ કરવા વિચારી રહ્યા છે. આ રીતે તે એરલાઇનમાં 40% માલિકી ધરાવે છે, આગામી 15 દિવસમાં ભારત સરકારના ઉડ્ડયન મંત્રાલય તરફથી એનઓસી મેળવવાની આશા છે.
રાકેશ ઝુનઝુનવાલાએ જણાવ્યું હતું કે ‘અકાસા એર’ અલ્ટ્રા-લો કોસ્ટ એરલાઇન તરીકે ઓળખાશે. તેમની ટીમ, જેમાં ભૂતપૂર્વ ડેલ્ટા એર લાઇન્સ એક્ઝિક્યુટિવનો સમાવેશ થાય છે, 180 જેટલા મુસાફરો લઇ શકે તેવા વિમાનો પર નજર રાખી રહી છે.
જ્યારે એરલાઇન્સ સેક્ટરને કોમ્પિટીશન અને કોરોનાથી ભારે ફટકો પડ્યો છે, ઝુનઝુનવાલાનો આ ક્ષેત્રમાં પ્રવેશ ખૂબ જ પડકારજનક હશે. ઝુનઝુનવાલા, અપેક્ષા રાખે છે કે આગામી દિવસોમાં ઉડ્ડયન ક્ષેત્રમાં માંગ વધશે. તેમના મતે ભારતીય બજારમાં વૃદ્ધિ ચાલુ રહેશે.
ઉડ્ડયન ક્ષેત્રની વાત કરીએ તો અહીં સતત રહીને નફો મેળવવો ખૂબ જ પડકારજનક બની ગયો છે. કોરોના પહેલા પણ, ભારતની એરલાઇન કંપનીઓ સતત ટકી રહેવા માટે સંઘર્ષ કરી રહી હતી. કિંગફિશર એરલાઇન્સ, જે એક સમયે દેશની બીજી સૌથી મોટી સ્થાનિક એરલાઇન હતી, તેણે 2012 માં કામગીરી બંધ કરી દીધી હતી.
આ પછી જેટ એરવેઝ ઇન્ડિયા લિમિટેડ પણ 2019 માં બંધ થઈ ગઈ હતી. જોકે, તાજેતરમાં જેટ એરવેઝને ફરી ઉડાન ભરવાની પરવાનગી આપવામાં આવી છે. આ સાથે ભારતની સરકારી માલિકીની એરલાઇન એર ઇન્ડિયા વેચવાની અણી પર ઉભી છે.
કોરોના દરમિયાન સમગ્ર વિશ્વમાં ઉડ્ડયન ઉદ્યોગ પ્રભાવિત થયો છે. હવાઈ મુસાફરીની માંગને અસર થઈ છે. હાલમાં, ભારતમાં કોરોનાની ત્રીજી તરંગના ભય વચ્ચે આ ખતરો ટળતો જણાતો નથી.છતાં, ઝુનઝુનવાલા આ પડકાર સ્વીકારવા તૈયાર છે. ફોર્બ્સ અનુસાર, ઝુનઝુનવાલાની અંદાજિત કુલ સંપત્તિ 4.6 અબજ ડોલર છે.
ટાટા મોટર્સના સ્ટોકે આ વર્ષે અત્યાર સુધીમાં 86 ટકા વળતર આપ્યું છે. આ દરમિયાન શેર 186 રૂપિયાથી વધીને 346 રૂપિયા થયો. તેમની પાસે કંપનીમાં 1.3 ટકા હિસ્સો છે. તેમની પાસે કંપનીના 42,750,000 શેર છે, જેની કુલ કિંમત 1467 કરોડ રૂપિયા છે.
એનસીસી સ્ટોકે આ વર્ષે 40 ટકા વળતર આપ્યું છે. તેમની પાસે કંપનીના 78,333,266 શેર છે, જેની કિંમત 667.4 કરોડ છે.લ્યુપિનને આ વર્ષે 17 ટકા વળતર મળ્યું છે. રાકેશ ઝુનઝુનવાલા કંપનીમાં 1.6 ટકા હિસ્સો ધરાવે છે. તેમના પોર્ટફોલિયોમાં કંપનીના 7,245,605 શેરો સામેલ છે, જેની કિંમત 846.9 કરોડ છે.
