અનુપમા સિરિયલનું એક એક પાત્ર એ લોકોને ખૂબ પસંદ આવી રહ્યું છે. સિરિયલના દરેક પાત્રને ઘરે ઘરે ખૂબ લોકપ્રિયતા મળી રહી છે. સિરિયલમાં નેગેટિવ પાત્ર ભજવી રહેલ સુધાંશુ પાંડે એટલે કે વનરાજને પણ લોકો ખૂબ પસંદ કરી રહ્યા છે. તેમનો રક જૂનો ફોટો હમણાં ખૂબ વાઇરલ થઈ રહ્યો છે. આ ફોટો જોઈને તમે પણ કહેશો કે વનરાજ શાહનો લુક ખૂબ બદલાઈ ગયો છે.
અનુપમામાં વનરાજ શાહનું પાત્ર નિભાવનાર સુધાંશુ પાંડેએ સોશિયલ મીડિયા પર પોતાની મૉડેલિંગ સમયનો એક ફોટો શેર કર્યો છે. આ ફોટોમાં વનરાજ શાહને ઓળખવો ખૂબ મુશ્કેલ થઈ રહ્યો છે.
આ ફોટો શેર કરતા સુધાંશુ પાંડેએ કેપ્શનમાં લખ્યું- ‘ક્યારેક પોતાને યાદ અપાવવું જરૂરી છે કે તમે ક્યાંથી શરૂઆત કરી અને ક્યાં પહોંચી ગયા છો. જ્યારે તમે પાછળ જુઓ અને આગળ જુઓ, તમારે ભગવાન મહાકાલનો આભાર માનવો જોઈએ. તે સમયે શરૂ થયેલી યાત્રા આજ સુધી ચાલુ છે. (આ ફોટો ત્યારેનો છે જ્યારે હું 20-21 વર્ષનો હતો. તે સમયે હું દેશના ટોપ મોડલ્સમાંથી એક હતો)’
ફેન્સ ઉપરાંત સેલેબ્સ પણ સુધાંશુ પાંડેના મોડલિંગ દિવસોના આ ફોટોના વખાણ કરી રહ્યા છે. આ ફોટો પર કોમેન્ટ કરતા ફેમસ એક્ટર રાહુલ દેવે હાર્ટ આઇકોન શેર કર્યો હતો. જ્યારે તાહિર શબ્બીરે કોમેન્ટ કરી હતી – ‘તમે હજુ પણ એવા જ દેખાઓ છો. આ સાથે આગનું આઇકન પણ શેર કર્યું.
સુધાંશુનું નામ સતત ચર્ચામાં હતું જ. પણ અનુપમા સિરિયલમાં વનરાજનું પાત્ર મળતા જ તેમના કરિયરને એક નવી જ ઊંચાઈ મળી છે. આ સિરિયલમાં સુધાંશુ પાંડે નેગેટિવ પાત્ર ભજવી રહ્યા છે. આજે ઘણા લોકો તેને પસંદ પણ કરે છે અને નફરત પણ કરે છે. પણ એટલું તો નક્કી જ છે કે સુધાંશુ વનરાજ શાહનો રોલ કરવામાં ખૂબ મહેનત કરી રહ્યા છે.
