દેશમાં વૈશ્વિક મહામારી કોરોનાનો પ્રકોપ થોડો ઓછો થયો હતો કે હવે ઓરીનો રોગ ઝડપથી ફેલાઈ રહ્યો છે. આ બિમારી નવજાત બાળકોને પોતાની ઝપેટમાં લઈ રહી છે અને તેના કારણે ઘણા લોકોએ જીવ ગુમાવ્યા છે. નાનકડી આંખો જે આ દુનિયાને જોવા માટે સક્ષમ બની રહી હતી, તે બેદરકારીના કારણે બંધ થઈ ગઈ હતી. વર્લ્ડ હેલ્થ ઓર્ગેનાઈઝેશન અને યુએસ પબ્લિક હેલ્થ એજન્સીએ જણાવ્યું હતું કે હવે વૈશ્વિક સ્તરે વિવિધ પ્રદેશોમાં ઓરીના પ્રકોપની સંભાવના છે. કારણ કે કોવિડ-19ને કારણે ઓરી રસી કરણ કવરેજમાં સતત ઘટાડો થઈ રહ્યો છે અને તેના કારણે કરોડો નવજાત શિશુઓનું જીવન ચિંતાનો વિષય બની ગયું છે.

રિપોર્ટમાં ખુલાસો થયો છે કે વર્ષ 2021માં વિશ્વભરમાં લગભગ 40 મિલિયન બાળકો ઓરીની રસીનો ડોઝ ચૂકી ગયા હતા. ખરેખર, સરકારી તંત્ર કોરોનાના રસીકરણ પર ધ્યાન કેન્દ્રિત કરી રહ્યું હતું, જેના કારણે બાળકોનું મહત્વપૂર્ણ રસીકરણ બાકી હતું. ડરામણા આંકડા એ છે કે વર્ષ 2021 માં વિશ્વભરમાં ઓરીના અંદાજિત 9 મિલિયન નવા કેસ નોંધાયા હતા અને 1,28,000 લોકો મૃત્યુ પામ્યા હતા. આશ્ચર્યજનક રીતે, 95% થી વધુ મૃત્યુ આફ્રિકા અને એશિયા જેવા વિકાસશીલ દેશોમાં થયા છે. વિશ્વના લગભગ 22 દેશો આ ભયંકર રોગના પ્રકોપનો સામનો કરી રહ્યા છે. કોવિડ-19 અને ઓરીની રસીમાં બેદરકારીના કારણે હવે આ રોગ સમગ્ર વિશ્વ માટે ખતરો બની ગયો છે.

રસીકરણ દ્વારા ઓરીની બીમારીથી બચી શકાય છે. જો કે કોઈ ચોક્કસ સારવાર નથી, પરંતુ તેની સામે બે ડોઝની રસી ગંભીર બીમારી અને મૃત્યુને રોકવામાં લગભગ 97 ટકા અસરકારક છે. આ બીમારીથી બચવા માટે બાળકોને વેક્સિનના અલગ-અલગ સમયગાળામાં રસીના બે ડોઝ આપવામાં આવે છે, ત્યારબાદ તેનું જોખમ ઘટી જાય છે.

દેશભરમાં ઓરીથી સંક્રમિત દર્દીઓની વાત કરીએ તો આ 233 છે અને મૃતકોની સંખ્યા વધીને 12 થઈ ગઈ છે. બીએમસીના જણાવ્યા અનુસાર, મુંબઈમાં ઓરીના 13 નવા કેસ સામે આવ્યા છે, જેમાંથી એક દર્દીનું મોત થયું છે. ભારતમાં પણ આ બીમારી ફેલાઈ રહી છે. જો સમયસર તેના પર નિયંત્રણ ન આવે તો કોરોના જેવી સ્થિતિ દેશભરમાં જોવા મળી શકે છે.