છેલ્લી મેચમાં હેટ્રિક વિકેટ લેનાર હર્ષલ પટેલે રાજસ્થાન સામેની મેચમાં 3 વિકેટ લઈને ખાસ રેકોર્ડ બનાવ્યો હતો. હર્ષલ પટેલનું બીજું મોટું પરાક્રમ: – છેલ્લી મેચમાં હેટ્રિક વિકેટ લેનાર હર્ષલ પટેલે રાજસ્થાન સામેની મેચમાં 3 વિકેટ લઈને ખાસ રેકોર્ડ બનાવ્યો હતો.

હર્ષલ હવે IPL ના ઇતિહાસમાં RCB માટે એક સીઝનમાં સૌથી વધુ વિકેટ લેનાર બોલર બની ગયો છે. તેણે આમ કરીને યુઝવેન્દ્ર ચહલનો રેકોર્ડ તોડી નાખ્યો છે. ચહલે 2015 ની સિઝનમાં કુલ 23 વિકેટ લીધી હતી. તમને જણાવી દઈએ કે IPL ના ઈતિહાસમાં એક સીઝનમાં સૌથી વધુ વિકેટ લેવાનો રેકોર્ડ ડ્વેન બ્રાવોના નામે છે

બ્રાવોએ IPL ની એક સિઝનમાં 32 વિકેટ લીધી છે. પટેલે રાજસ્થાન સામેની મેચમાં રિયાન પરાગ, ક્રિસ મોરિસ અને ચેતન સાકરિયાને આઉટ કરીને 3 વિકેટ લીધી હતી. મેચની વાત કરીએ તો રોયલ્સે 11 ઓવરમાં 100 રન બનાવ્યા હતા પરંતુ છેલ્લી નવ ઓવરમાં તે માત્ર 49 રન જ બનાવી શક્યો હતો

અને આ દરમિયાન તેણે આઠ વિકેટ ગુમાવી હતી અને તેની ટીમ અંતે 9 વિકેટે 149 રન જ બનાવી શકી હતી. IPL સીઝનમાં RCB માટે સૌથી વધુ વિકેટ લેનાર 26 – હર્ષલ પટેલ, 2021* 23 – ચહલ, 2015 23 – આર વિનય કુમાર, 2013

એવિન લેવિસ (37 બોલમાં 58, પાંચ ચોગ્ગા, ત્રણ છગ્ગા) અને યશસ્વી જયસ્વાલ (22 બોલમાં 31) એ પ્રથમ વિકેટ માટે 77 રન ઉમેરીને રોયલ્સને સારી શરૂઆત અપાવી હતી. ચહલે ચાર ઓવરમાં 18 રન આપીને બે જ્યારે શાહબાઝે બે ઓવરમાં 10 રન આપીને બે વિકેટ લીધી હતી.

છેલ્લી મેચમાં હેટ્રિક લેનાર હર્ષલ પટેલ (34 રનમાં 3), છેલ્લી ઓવરમાં ફરી આ પરાક્રમ બતાવવાની નજીક આવ્યો. ટોસ હારી ગયા બાદ રોયલ્સની ઓપનિંગ જોડી પ્રથમ બેટિંગ કરવા આવી હતી, ખાસ કરીને લુઇસે પ્રથમ બે ઓવરમાં પરિસ્થિતિઓને સમજ્યા બાદ આક્રમક વલણ દર્શાવ્યું હતું.

પરંતુ છેલ્લી ઓવરોમાં આરસીબીના બોલરોએ શાનદાર બોલિંગ કરી અને રાજસ્થાનના બેટ્સમેનોને ક્રિઝ પર રોકવા દીધા નહીં. આ જ કારણ હતું કે રાજસ્થાન માત્ર 149 રન જ બનાવી શક્યું હતું.