બોલીવુડ અભિનેત્રી જ્હાનવી કપૂર દરરોજ ચર્ચાનો વિષય બની રહે છે. આ વખતે તે એક પ્રોપર્ટીને લઈને હેડલાઈન્સ બનાવી રહી છે. વાસ્તવમાં જાન્હવી, તેની બહેન ખુશી કપૂર અને તેના પિતા બોની કપૂરે મુંબઇમાં એક ડુપ્લેક્સ એપાર્ટમેન્ટ ખરીદ્યું હોવાના અહેવાલ પ્રગટ થયા હતા. આ ડુપ્લેક્સ કપૂર પરિવારે સંયુક્ત રીતે ખરીદ્યું હતું. Indextap.com અનુસાર જાન્હવીના ડુપ્લેક્સ એપાર્ટમેન્ટની કિંમત 65 કરોડ રૂપિયા છે.

જાહ્નવી કપૂર અને તેના પરિવારના સભ્યો હવે મુંબઈના બાંદ્રાના પોશ વિસ્તારમાં ડુપ્લેક્સ એપાર્ટમેન્ટ ધરાવે છે. એપાર્ટમેન્ટનો કાર્પેટ એરિયા 6,421 ચોરસ ફૂટ છે.તે પાલી હિલમાં બિલ્ડીંગના પહેલા અને બીજા માળે સ્થિત છે.મનીકંટ્રોલના એક રિપોર્ટ અનુસાર, કપૂર પરિવારે 3.90 કરોડ રૂપિયાની સ્ટેમ્પ ડ્યુટી ચૂકવી છે.આ સોદો 12 ઓક્ટોબર 2022ના રોજ થયો હતો.

જાણકારી મુજબ તેના એપાર્ટમેન્ટમાં પાંચ પાર્કિંગ સ્લોટ પણ છે. તેના ડુપ્લેક્સ એપાર્ટમેન્ટમાં પહેલા માળે ઓપન ગાર્ડન એરિયા અને સ્વિમિંગ પૂલ પણ છે. દરમિયાન, જાન્હવી કપૂરના વર્કફ્રન્ટની વાત કરીએ તો તેની ફિલ્મ મિલી આજે થિયેટરોમાં રિલીઝ થઇ છે. આ ફિલ્મમાં સની કૌશલ અને મનોજ પહવા પણ છે. જ્હાન્વી આ ફિલ્મમાં મિલે નૌટિયાલની ભૂમિકા નિભાવી રહી છે.

મથુકુટ્ટી ઝેવિયર નિર્દેશિત આ ફિલ્મ મિલી 2019ની મલયાલમ ફિલ્મ હેલનની રિમેક છે જેમાં ફ્રીઝરમાં ફસાયેલી અને જીવતા રહેવા માટે લડતી એક મહિલાની કથા છે. જાન્હવી કપૂર ટૂંક સમયમાં વરુણ ધવન સાથે બાવલમાં જોવા મળશે. જાન્હવી પાસે પાઇપલાઇનમાં શ્રી અને શ્રીમતી માહી પણ છે. હાલ અભિનેત્રી પોતાના નવા ડુપ્લેક્સ એપાર્ટમેન્ટને લઇને ચર્ચામાં છે.