જમીનથી હજારો ફૂટની ઊંચાઈ પર ઝૂલવું એકદમ રોમાંચક હોઈ શકે છે, પરંતુ સ્વિંગ કરતી વખતે થોડું ભારે પણ હોઈ શકે છે. આનું તાજું ઉદાહરણ રજૂ કરતો એક વીડિયો સોશિયલ મીડિયા પર વધુને વધુ વાયરલ થઈ રહ્યો છે, જેમાં જમીનથી 6 હજાર ફૂટથી વધુ ઊંચાઈ પર એક ખડકની બાજુમાં ઝૂલવું બે મહિલાઓ માટે ખૂબ જ ભારે પડ્યું.
— Shocking Videos (@ShockingClip) August 11, 2022
ખરેખર, હીંચકા ઝુલાવતી વખતે અચાનક હીંચકાની ચેન હવામાં તૂટી ગઈ હતી, જેના કારણે મહિલાઓ હીંચકામાંથી નીચે પડી ગઈ હતી. જો કે રાહતની વાત એ છે કે આ અકસ્માતમાં બંનેને સામાન્ય ઇજા થઇ છે. આ ઘટનાનો વીડિયો વધુને વધુ વાયરલ થઈ રહ્યો છે અને લોકો તેને જોઈને આશ્ચર્યચકિત થઈ ગયા છે.
ડેઇલી મેઇલના અહેવાલ મુજબ, રશિયન રિપબ્લિકના ડાગેસ્તાનમાં સ્થિત સુલાક કેન્યોનની ચેઇન હીંચકામાં સવારી કરતી વખતે તૂટી ગઈ હતી, જેના કારણે ઝૂલતી બે મહિલાઓ ભેખડની બાજુમાં પડી ગઈ હતી અને તેમને ઇજા પોહચી હતી. જમીનથી હજારો ફૂટની ઊંચાઈએ હીંચકામાંથી પડીને મહિલાઓનો આબાદ બચાવ થયો હતો અને તેમને માત્ર નાની ઇજા થઈ હતી. પોલીસ આ કેસની તપાસ કરી રહી છે.
વીડિયોમાં જોઈ શકાય છે કે મહિલાઓ ઝૂલતી હોય છે અને હવામાં જતા જ અચાનક ઝૂલાની ચેઈન તૂટી જાય છે, જેના કારણે મહિલાઓ નીચે પડી જાય છે. આ ઘટનાનો વીડિયો સોશિયલ મીડિયા પર ખૂબ શેર થઈ રહ્યો છે. હાલ તો પોલીસે આ મામલાની તપાસ શરૂ કરી છે, અને સુરક્ષામાં આટલી મોટી ક્ષતિ કેવી રીતે થઈ તે શોધવાનું શરૂ કર્યું છે. તે જ સમયે, દાગેસ્તાનમાં પર્યટન મંત્રાલય કહે છે કે ઝૂલો સલામતીના ધોરણોને પૂર્ણ કરતું નથી.