ગુજરાતની ઉત્તર જામનગર બેઠક પરથી ભાજપના ઉમેદવાર અને ક્રિકેટર રવિન્દ્ર જાડેજાની પત્ની રીવાબા જાડેજા ગુજરાતની ચૂંટણીમાં હેડલાઇન્સમાં રહે છે. રિવાબાએ ચૂંટણી પ્રચારના પોસ્ટરમાં ભારતીય ટીમની જર્સીમાં રવીન્દ્ર જાડેજાના ફોટાનો ઉપયોગ કર્યો હતો. જેની પહેલા આપના ધારાસભ્ય દ્વારા સખત નિંદા કરવામાં આવી હતી અને ત્યારબાદ હવે આ વિવાદે જોર પકડ્યું છે.
વિરોધ પક્ષો વિવિધ રીતે રીવાબા અને રવિન્દ્ર જાડેજાને ઘેરી રહ્યા છે. ઓલ ઈન્ડિયા મજલિસ-એ-ઈત્તેહાદુલ મુસલમીનના પ્રવક્તા વારિસ પઠાણે બીસીસીઆઈને પૂછ્યું કે શું ભારતીય ટીમની જર્સીમાં કોઈપણ રાજકીય પક્ષને પ્રમોટ કરવું એ કરારના નિયમોની વિરુદ્ધ નથી?
Isn’t wearing the jersey of Indian Cricket team & indulging in promotion of a political party a breach of contract of player and also conflict of interest according to @BCCI ? pic.twitter.com/zHGBcKFdJ7
— Waris Pathan (@warispathan) November 27, 2022
વારિસ પઠાણે ટ્વીટ કરીને પ્રશ્ન કર્યો કે શું ભારતીય ક્રિકેટ ટીમની જર્સી પહેરવી અને રાજકીય પક્ષના પ્રચારમાં સામેલ થવું એ ખેલાડીના કરારનો ભંગ નથી અને શું બીસીસીઆઈના મતે તે હિતોનો ટકરાવ નથી? વિવાદ વધ્યા બાદ રવિન્દ્ર જાડેજા દ્વારા પોસ્ટરના સ્ક્રીનશૉટને રિટ્વીટ કરીને તેના ટ્વિટર હેન્ડલ પરથી હટાવી દેવામાં આવ્યો હતો. તેમજ તે ટ્વીટ રીવાબાના એકાઉન્ટમાંથી પણ ડિલીટ કરી દેવામાં આવી હતી.
જણાવી દઈએ કે ભાજપે ઉત્તર જામનગરથી રિવાબાને ટિકિટ આપી છે, પરંતુ રિવાબાને ન તો અગાઉ કોઈ રાજકીય અનુભવ હતો કે ન તો તેમણે અગાઉ કોઈ ચૂંટણીમાં ભાગ લીધો હતો. ધારાસભ્ય પદ માટે રીવાબાની આ પ્રથમ ચૂંટણી હશે. ભાજપે વર્તમાન ધારાસભ્ય ધર્મેન્દ્રસિંહ જાડેજાને બાયપાસ કરીને રીવાબાને ટિકિટ આપી છે. ભાજપનું આ પગલું દરેક માટે આશ્ચર્યજનક છે. પરંતુ આ ચૂંટણી જીતવી રિવાબા માટે પડકારરૂપ બની રહી છે કારણ કે રવિન્દ્ર જાડેજાના બહેન નયાબા ઉત્તર જામનગર બેઠક પરથી જ કોંગ્રેસના ઉમેદવાર માટે પ્રચાર કરી રહ્યા છે.
ઉલ્લેખનીય છે કે, ગુજરાત વિધાનસભાની ચૂંટણી બે તબક્કામાં 1 અને 5 ડિસેમ્બરે યોજાશે. પ્રથમ તબક્કાના મતદાનમાં ઉત્તર જામનગરની બેઠકનો પણ સમાવેશ થાય છે તેથી રીવાબા પાસે હવે માત્ર થોડા જ દિવસો બાકી રહ્યા છે. તમને જણાવી દઈએ કે ગુજરાત વિધાનસભાની ચૂંટણીની મતગણતરી 8 ડિસેમ્બરે થશે.
