માતા બનવું એ કોઈપણ સ્ત્રી માટે વિશેષ લાગણી છે. જે દિવસથી બાળક પેટમાં આવે છે તે દિવસથી માતા દરેક ક્ષણે તેને અનુભવતી રહે છે. જોકે અલ્જેરિયામાં એક મહિલાને તેની અડધી ઉંમર સુધી ખબર ન હતી કે તેના પેટમાં બાળક છે (અસામાન્ય ગર્ભાવસ્થા). તેને આ વાત 35 વર્ષ પછી સમજાઈ, જ્યારે તેના પેટમાં ભયંકર દુખાવો થયો.

અલ્જેરિયામાં, એક 73 વર્ષીય મહિલાને અચાનક તેના પેટમાં તીવ્ર દુખાવો થયો. અસહ્ય પીડાથી ચીસો પાડતી મહિલા ડૉક્ટર પાસે દોડી ગઈ. જ્યારે ડોક્ટરે પેટમાં દુખાવાનું કારણ જાણવાનો પ્રયાસ કર્યો તો તે સ્તબ્ધ થઈ ગયો. એક વૃદ્ધ મહિલાના પેટમાં ઘણા દાયકાઓથી 7 મહિનાનો ગર્ભ હતો. નવાઈની વાત એ હતી કે મહિલાને પોતે પણ આ અંગે કોઈ જાણ નહોતી.

પહેલા પણ પેટમાં દુખાવાની ફરિયાદ કરી છે: ધ સનના એક રિપોર્ટ અનુસાર, જે મહિલા સાથે આ વિચિત્ર ઘટના બની હતી, તેને પહેલા પણ પેટમાં દુખાવો થતો હતો, પરંતુ ડોક્ટર્સને તેની પાછળનું કારણ ખબર ન હતી.

જોકે, આ વખતે મહિલાના પેટમાં દુખાવો વધુ વધી જતાં ડૉક્ટરે તપાસ કરતાં જાણવા મળ્યું કે મહિલાના પેટમાં આશરે 35 વર્ષથી સાત મહિનાનો ગર્ભ હતો. વર્ષોથી ભ્રૂણ પથ્થર જેવો થઈ ગયો હતો અને ડોક્ટરોએ તેને ‘બેબી સ્ટોન’ નામ આપ્યું છે. તેનું વજન 4.5 પાઉન્ડ એટલે કે 2 કિલો જેટલું હતું.

ખૂબ જ વિચિત્ર કેસ: ડોક્ટરોએ પણ આવી ઘટનાને ખૂબ જ દુર્લભ ગણાવી હતી. તેણે તેને લિથોપેડિયન નામની સ્થિતિ કહી. આ અંગે ડૉક્ટરે કહ્યું કે, ‘આ ત્યારે થાય છે જ્યારે ગર્ભનો વિકાસ ગર્ભાશયને બદલે પેટમાં થાય છે.

બાળકમાં સતત લોહીની અછતને કારણે ગર્ભનો વિકાસ શક્ય નથી. તેને પેટમાંથી બહાર કાઢવાનો કોઈ રસ્તો ન હોવાથી ગર્ભ પથ્થરમાં ફેરવાઈ જાય છે. મહિલાના શરીરમાંથી મળી આવેલ બેબી સ્ટોન પણ આ જ કારણસર બનાવવામાં આવ્યો હતો.