બોલિવૂડના દિગ્ગજ અભિનેતા અનિલ કપૂર જ્યારે પણ સોશિયલ મીડિયા પર તેની પોસ્ટ શેર કરે છે, ત્યારે લોકો કોમેન્ટ બોક્સમાં તેમની ફિટનેસના વખાણ કરતા થાકતા નથી. જો કે હવે તેની એક પોસ્ટે ફેન્સની ચિંતા વધારી દીધી છે.
અનિલ કપૂરે જર્મનીનો એક વીડિયો શેર કરતા કહ્યું છે કે આજે મારી સારવારનો છેલ્લો દિવસ છે અને તે ડોક્ટરને મળવા જઈ રહ્યો છે. 64 વર્ષીય અનિલ કપૂર જર્મનીની સડકો પર ઝડપથી ચાલતા દેખાઈ રહ્યા છે. પોસ્ટ જોયા બાદ તેના ચાહકો તેના માટે પ્રાર્થના કરવા લાગ્યા.
View this post on Instagram
બ્લેક લોન્ગ કોટ, બ્લેક પેન્ટ અને બ્લેક કેપ પહેરેલા અનિલ કપૂરે જર્મનીથી વીડિયો પોસ્ટ કર્યો છે. તેમના પર બરફ પડી રહ્યો છે. વીડિયોના બેકગ્રાઉન્ડમાં મોહિત ચૌહાણનું ગીત ‘ફિર સે ઉડ ચલા’ વાગી રહ્યું છે. આ સાથે અનિલ કપૂરે કેપ્શનમાં લખ્યું, અ પરફેક્ટ વોક ઇન ધ સ્નો. જર્મનીમાં છેલ્લો દિવસ! હું મારી અંતિમ સારવાર માટે ડૉ. મોરલરને મળવા જઈ રહ્યો છું. હું તેનો અને તેના જાદુઈ સ્પર્શનો આભારી છું.
અનિલ કપૂરે કોમેન્ટ સેક્શનમાં પોતાની સાથે લખ્યું, “જ્યારે આપણે લોકો બરફ જોઈએ છીએ, ત્યારે આપણે ઉત્સાહિત થઈએ છીએ અને સારું અનુભવીએ છીએ.” એ દરમિયાન, સોનમ કપૂરની મિત્ર અને ફેશન ડિઝાઇનર મસાબા ગુપ્તાએ લખ્યું, “અંકલ અનિલ, કન્ટેન્ટના સંદર્ભમાં કેવી રીતે હરાવી શકીએ” એમના ઇલાજના સમાચાર પર ચિંતા વ્યક્ત કરી. એક ફેને લખ્યું- ‘સર, શેનો ઈલાજ? તમે ખૂબ જ ફિટ છો. હું તમને સારા સ્વાસ્થ્યની કામના કરું છું. ‘ બીજાએ કહ્યું, ‘તબિયતનું ધ્યાન રાખજો.’
અનિલ કપૂરે ગયા વર્ષે ઑક્ટોબરમાં એક પોસ્ટ લખી હતી જેમાં જણાવ્યું હતું કે તે 10 વર્ષથી અકિલિસ ટેન્ડનની સમસ્યા સામે લડી રહ્યો હતો. તો અનિલ કપૂરે કહ્યું હતું કે ડૉ. મોલરે તેમની સારવાર કરી અને તેઓ ફરી ચાલવા લાગ્યા. તમને જણાવી દઈએ કે આ બીમારીને કારણે પગના નીચેના ભાગમાં દુખાવો થાય છે, જેના કારણે ચાલવું મુશ્કેલ બને છે
