સતીશ ભારદ્વાજ નામના નરેલાના ટિકરી ખુર્દ ગામના 62 વર્ષીય વ્યક્તિના પરિવારે દાવો કર્યો છે કે આજે સવારે તેનું મૃત્યુ થયું હતું અને તેને અંતિમ સંસ્કાર માટે સ્મશાનમાં લઈ જવામાં આવ્યા હતાં જ્યાં તે શ્વાસ લઈ રહ્યા હતાં અને જીવતાં હતાં.

મૃત્યુના સમાચારથી ઘરમાં શોકની લાગણી ફેલાઈ ગઈ હતી, ત્યારબાદ પરિવાર સહિત ઘણા લોકો મૃતદેહ સાથે અંતિમ સંસ્કાર માટે વૃદ્ધના મૃતદેહના અંતિમ સંસ્કાર કરવા પહોંચ્યા હતા.

મૃતદેહને અગ્નિને સોંપતા પહેલા અંતિમ સંસ્કારના ભાગરૂપે મૃતદેહના ચહેરા પરથી કફન ઉતારવામાં આવ્યું ત્યારે સ્મશાનમાં હાજર તમામ લોકોના હોશ ઉડી ગયા હતા. 62 વર્ષીય જેનું મૃત્યુ થયું હતું તે શ્વાસ લઈ રહ્યો હતો, તે ધીરે ધીરે આંખો ખોલી રહ્યો હતો.

સ્મશાનભૂમિના અંતિમ સંસ્કારમાં હાજરી આપવા ગયેલા લોકોએ તરત જ દિલ્હી પોલીસ અને એમ્બ્યુલન્સને ફોન કરીને જાણ કરી હતી. સતીશ ભારદ્વાજ છેલ્લા કેટલાક સમયથી કેન્સરથી પીડિત હતા અને તેમને ખાનગી હોસ્પિટલમાં દાખલ કરવામાં આવ્યા હતા.

જ્યાં રવિવારે ડોક્ટરોએ તેમને મૃત જાહેર કર્યા હતા. આ પછી, તેના સંબંધીઓ મૃતદેહને ઘરે લાવ્યા અને લગભગ 3.30 વાગ્યે તેના અંતિમ સંસ્કાર કરવા માટે સ્મશાનભૂમિમાં લઈ ગયા.

તેમને નરેલાની રાજા હરિશ્ચંદ્ર હોસ્પિટલમાં લઈ જવામાં આવ્યા હતા. ડોક્ટરોએ તપાસ કર્યા બાદ તેને એલએનજેપી હોસ્પિટલમાં મોકલવામાં આવ્યો હતો. ત્યાં સોમવારે સવારે તેમનું મૃત્યુ થયું હતું