DGGI અમદાવાદે આનંદપુરીમાં પરફ્યુમના વેપારી પીયૂષ જૈનના ઘરેથી મળેલી રૂ. 177.45 કરોડની રોકડને ટર્નઓવરની રકમ તરીકે ગણી છે. DGGI દ્વારા કોર્ટમાં દાખલ કરાયેલા દસ્તાવેજો દ્વારા આની પુષ્ટિ કરવામાં આવી છે.

ટેક્સ નિષ્ણાતો કહે છે કે અધિકારીઓએ જાણી જોઈને કે અજાણતાં આ કેસને હળવો કર્યો. આવી સ્થિતિમાં પીયૂષ દંડની રકમ ભરીને જ જામીન મેળવી શકે છે. આ સાથે આવકવેરા વિભાગ પણ કાળા નાણાના મામલામાં કાર્યવાહી કરી શકશે નહીં.

22 ડિસેમ્બરના રોજ, DGGI અમદાવાદની ટીમે શિખર પાન મસાલા, ટ્રાન્સપોર્ટર પ્રવીણ જૈન અને તે પછી પરફ્યુમના વેપારી પીયૂષ જૈનના પરિસરમાં દરોડા પાડ્યા હતા.

આ પાછળનો તર્ક એ હતો કે શિખર પાન મસાલાના માલિકે પરફ્યુમના વેપારીની કંપની પાસેથી બિલ વગર મોટા પાયે કમ્પાઉન્ડ ખરીદ્યું હતું. ગુજરાતમાં જપ્ત કરાયેલી ચાર ટ્રકોએ આ વાતને સમર્થન આપ્યું હતું. જે બાદ કાર્યવાહી હાથ ધરવામાં આવી હતી. પિયુષને અગાઉ કસ્ટડીમાં લેવામાં આવ્યો હતો અને શુક્રવારે રાત્રે તેની ધરપકડ કરવામાં આવી હતી.

પૂછપરછ દરમિયાન પીયૂષે જણાવ્યું હતું કે તેના આનંદપુરી નિવાસસ્થાનેથી મળેલી રોકડ ચાર-પાંચ વર્ષમાં કમ્પાઉન્ડ બિઝનેસમાંથી કમાઈ હતી. તેણે એ પણ સ્વીકાર્યું કે તેણે 177 કરોડ રૂપિયાની રોકડ રકમ પર ટેક્સ ચૂકવ્યો નથી.