તકનીકી શિક્ષણ માટે ઓલ ઈન્ડિયા કાઉન્સિલ (એઆઈસીટીઇ) કોલેજોને નવા શૈક્ષણિક વર્ષ (2020-21) થી મરાઠી સહિત આઠ જેટલી પ્રાદેશિક ભારતીય ભાષાઓમાં એન્જિનિયરિંગની ડિગ્રી પ્રદાન કરવાની મંજૂરી આપી છે. અન્ય ભાષાઓ કે જેમાં તે ઉપલબ્ધ હશે તે છે હિન્દી, બંગાળી,તેલુગુ, તમિલ, ગુજરાતી, કન્નડ અને મલયાલમ.

આ પગલાથી ખાસ કરીને ગ્રામીણ અને આદિજાતિ વિસ્તારોના આદિવાસીઓને તેમના સપના સાકાર કરવામાં મદદ મળશે. આજ સુધી, ઘણા તેજસ્વી વિદ્યાર્થીઓ અંગ્રેજીના ડરથી આ અભ્યાસક્રમોથી દૂર જ રહેતા હતા. ઘણા અદ્યતન દેશો જેવા કે જર્મની, ફ્રાંસ,રશિયા, જાપાન અને ચીન તેમની સત્તાવાર ભાષાઓમાં સંપૂર્ણ શિક્ષણ આપે છે.

એઆઈસીટીઈના અધ્યક્ષ અનિલ સહસ્ત્રબુદ્ધે જણાવ્યું હતું કે, વિદ્યાર્થીઓને તેમની માતૃભાષામાં તકનીકી શિક્ષણ આપવાનું લક્ષ્ય છે જેથી તેઓ મૂળભૂત બાબતોને વધુ સારી રીતે સમજી શકે. “અમને આખા દેશમાંથી આશરે 500 જેટલી અરજીઓ મળી છે.

અમે ભવિષ્યમાં 11 વધુ ભાષાઓમાં યુજી એન્જિનિયરિંગના અભ્યાસક્રમો આપવાની યોજના બનાવી છે. એઆઈસીટીઇ આ તમામ ભાષાઓમાં અભ્યાસક્રમની સામગ્રી પ્રદાન કરે છે અને તે હેઠળ શીખવવામાં આવતા અભ્યાસક્રમોનું અનુવાદ પણ કરે છે

ભવિષ્યમાં વધુ 11 ભાષાઓને માન્યતા આપવાનું વિચારાધિન છે. કાઉન્સિલ દ્વારા તમામ ભાષાઓમાં શૈક્ષણિક સામગ્રી ઓનલાઇન પોર્ટલમાં પુરી પાડવામાં આવશે. કોલેજો વધી જતાં અને બેઠકો ખાલી રહેતાં વિદ્યાર્થીઓની તંગી દૂર કરવા માટે હવે અંગ્રેજી ઉપરાંત બીજી આઠ જેટલી ભારતીય ભાષાઓમાં એન્જીનિયરીંગ ભણી શકાય તેવો નિર્ણય કરાયો છે.