બોલિવૂડ અભિનેત્રી તેના જન્મદિવસ પર મિત્રો સાથે ડ્રગ પાર્ટી કરતી હતી. ત્યારે કોઈએ પોલીસને જાણ કરી. આ સમાચાર મળતાની સાથે જ પોલીસે મોડી રાત્રે દરોડા પાડ્યા બાદ અભિનેત્રી અને તેના મિત્રોની ધરપકડ કરી હતી. અભિનેત્રીની ઓળખ નાયરા નેહલ શાહ તરીકે થઈ છે.
મામલો મુંબઈના સાંતાક્રુઝ પોલીસ સ્ટેશન વિસ્તારનો છે. જ્યાં અભિનેત્રી નાયરા નેહલ શાહ ફાઇવ સ્ટાર હોટલમાં બર્થડે પાર્ટી કરી રહી હતી. પોલીસે રવિવાર-સોમવારની વચ્ચે દરોડા પાડ્યા હતા અને અભિનેત્રીની તેના મિત્રો સાથે ધરપકડ કરી હતી.
પોલીસ અધિકારીએ કહ્યું – રવિવારે રાત્રે લગભગ 3 વાગ્યે ફાઈવ સ્ટાર હોટલમાં દરોડો પાડવામાં આવ્યો હતો. ત્યાં બોલિવૂડમાં નાની ભૂમિકાઓ કરનારી અભિનેત્રી અને તેના સાથીને ડ્રગ્સ પીતી વખતે રંગે હાથે ધરપકડ કરવામાં આવી હતી. આ અંગે સાંતાક્રુઝ પોલીસે એનડીપીએસ એક્ટ હેઠળ ગુનો નોંધ્યો છે. સાન્તાક્રુઝ પોલીસના વરિષ્ઠ અધિકારી જાનેશ્વર ગનોરને એક ગુપ્ત માહિતી મળી હતી કે એક બોલિવૂડ અભિનેત્રી ફાઇવ સ્ટાર હોટલમાં તેના મિત્રો સાથે પાર્ટી કરી રહી છે. જેમાં ડ્રગ્સનો ઉપયોગ કરવામાં આવી રહ્યો છે.
આ માહિતીના આધારે પોલીસે પાર્ટીમાં દરોડો પાડ્યો હતો. પોલીસના જણાવ્યા મુજબ, નેહલ શાહ હોટલના એક રૂમમાં ચરસ લઈ રહિ હતી. નેહલ અને તેના મિત્ર આશિક હુસેનની ધરપકડ કરવામાં આવી હતી. બંને ત્યાં ચરસ લઈ રહ્યા હતા. બંનેને સોમવારે કોર્ટમાં રજૂ કરવામાં આવ્યા હતા. કોર્ટે બંનેને જામીન પર મુક્ત કર્યા હતા. પોલીસ આ મામલે તપાસ કરી રહી છે.