ઇટાલીમાં ઘણા એવા ગામો છે, જ્યાં મોંઘા મોંઘા મકાનોની કમી નથી પરંતુ ત્યાં કોઈ રહેતું નથી, આવા ગામોમાં લોકોને નિ: શુલ્ક સ્થાયી થવા માટે બોલાવવામાં આવી રહ્યા છે અને નોકરી પણ આપવામાં આવી રહી છે.

આ ગામ ઉત્તરી ઇટાલીના પીડમોન્ટ ક્ષેત્રમાં આવેલા લોકના જિલ્લામાં છે. આ જિલ્લાના ઘણા ગામો નિર્જન છે, ત્યાંની વસ્તી ઓછી થઈ છે. મોટાભાગના રહેવાસીઓ વૃદ્ધ છે. તેથી જ તે ઇચ્છે છે કે કેટલાક યુવાનો ગામમાં આવે અને તેમની સાથે રહી તેમની સાર સંભાળ રાખે. આ ગામ ઇટાલીના મુખ્ય શહેર તુરીનથી 45 કિલોમીટરના અંતરે છે.

શરૂઆતમાં, આ ગામમાં સ્થાયી થવાની યોજના ફક્ત તે લોકો માટે ખોલવામાં આવી હતી જેઓ ઇટાલીમાં રહેતા હતા, પરંતુ તે પછી અહીં હવે તેણે તેનો છૂટમાં વધાર્યો કર્યો છે અને તેને વિશ્વના લોકો માટે ખોલી દીધો છે.

ગામમાં રહેવા પર ત્યાંની સરકાર તમને 24.5 લાખ રૂપિયા આપશે. જોકે તેનો લાભ મેળવવા માટે સરકારે કેટલીક શરતો પણ મૂકી છે.અહીં સ્થાયી થવાની એક જ શરત છે. અહીં આવનારા કોઈપણ નવા રહેવાસીઓએ બાળક હોવું આવશ્યક છે. ઉપરાંત, તેનો પગાર છ હજાર યુરો એટલે કે 9.9 લાખ રૂપિયા હોવો જોઈએ.

તેમને નિશ્ચય કરવો પડશે કે તેઓ આ વિસ્તારમાં રહેવાનું રાખશે. ગામલોકો દ્વારા તેમને આપવામાં આવેલી રકમ ત્રણ વર્ષના સમયગાળા માં આપવામાં આવશે. ઇટાલીના ઘણા ગામોમાં ઓછી થતી વસ્તીને લીધે, એવી સ્થિતિ થઈ ગઈ છે કે તેમના લુપ્ત થવાનો ભય વધવા માંડ્યો છે.

તેથી, ઘણા ગામોમાં, સસ્તામાં મિલકત વેચવા અથવા લોકોને આકર્ષવા માટે એક યોજના શરૂ કરવામાં આવી રહી છે. સિસિલીના ગામ સામ્બુકામાં, તાજેતરમાં ખાલી મકાનો ફક્ત એક યુરોમાં વેચવામાં આવ્યા હતા,

જે મકાનોને રીનોવેશન માટે ત્રણ વર્ષમાં 13,200 પાઉન્ડ (12.32 લાખ રૂપિયા) ખર્ચ થઈ શકે છે. આ ગામના દસ મકાનો વેચાયા છે. ઈટાલીના કેલાબ્રિયા ગામમાં ઘર ખરીદી ત્યાં 3 વર્ષ સુધી વસવાટ કરવા પર £24,000 (આશરે 24.80 લાખ) રૂપિયા મળે છે.